काठमाडौं । पूर्वमुमाबडामहारानी रत्नराज्यलक्ष्मी शाहको स्वास्थ अचानक बिग्रेपछि पूर्वराजाको तराई भ्रमण स्थगित भएको छ । पूर्वमुमाबडामहारानी बिरामी भएर मंगलबार थापाथलीस्थित नर्भिक अस्पतालमा भर्ना भएपछि पूर्वराजाले भ्रमण रद्द भएको राजसंस्था पक्षधर दल शिव सेना नेपालका अध्यक्ष अनिल बस्नेत ‘बाबा’ले जानकारी दिए । 

 

हाल झापामा रहेका पूर्वराजा सडकमार्ग भएर जनकपुर पुग्ने कार्यक्रम तय भए पनि उनी अब काठमाडौं आउने भएका छन् । पूर्वराजा शाहले यसपटक सर्लाही, महोत्तरी, उदयपुरको भ्रमण गर्ने योजना बनाएका थिए ।