काठमाडौं । पाकिस्तान सुपर लिग (पीएसएल) क्रिकेटमा नेपाली युवा लेगस्पिनर सन्दीप लामिछाने आवद्ध लाहोर क्वालन्दर्स ४ विकेटले पराजित भएको छ । लाहोरले दिएको १२५ रनको लक्ष्य पछ्याएको पेशावर जल्मीले १९.५ ओभरमा ६ विकेट गुमाएर लक्ष्य पुरा गर्यो । मंगलबार रातिको खेलमा सन्दीप भने विकेट विहीन बने । मंगलबारको खेलमा सन्दीपले २.१ ओभर मात्र बलिङ गर्न पाए ।  

 

पेशावरविरूद्दको खेलमा सन्दीपले  पहिलो ओभरमा ३ रन मात्र दिए । तर, दोस्रो ओभरमा भने उनले १८ रन खान पुगे । दोस्रो ओभरको पहिलो बलमा नै उनले छक्का खाए । त्यसपछि दोस्रो बलमा पनि उनले अर्को छक्का खान पुगे । अनुभवी खेलाडी मिस्वा उल हकले २ छक्का प्रहार गरे । टस हारेर पहिला ब्याटिङ गरेको लाहोरले निर्धारित ओभरमा ७ विकेट गुमाएर १२४ रन बनाएको थियो । लाहोरका लागि हरिस सोहेलले ४३ तथा डेभिड वाइजले २६ रनमा नट आउट रहे । 

 

१२५ रनको लक्ष्य पेशावर जाल्मीले एक बल अगावै पाँच विकेट गुमाएर पूरा गर्‍यो । उसका लागि मिसवाह उलहकले अविजित ५९ रनको उत्कृष्ट पारी खेले । त्यस्तै ड्यारे सामीले ४६ रन बनाए । बलिङतर्फ सन्दीप लामिछाने विकेटविहीन बन्दा शाहइन शाह अफ्रिदीले एक मेडनसहित तीन विकेट लिएका थिए । पेशावर जाल्मी नौ मध्य ६ खेलमा जित निकाल्दै शीर्ष स्थानमा छ भने लाहोर कलन्दर्स ६ अंक सहित पाँचौं स्थानमा छ ।

पाकिस्तान सुपर लिग लाहोर क्वालन्दर्स भेर्सस पेशावर जाल्मी