काठमाडौं। इन्डियन प्रिमियर लिग (आइपीएल)मा आज कोलकता नाइट राइडर्सविरुद्ध दिल्ली क्यापिटल्सले पहिला बलिङ गर्ने भएको छ ।  

कोलकताको इडेन गार्डेन मैदानमा जारी खेलमा टस जितेर दिल्लीले पहिला बलिङ गर्ने निर्णय गरेको हो । श्रेयस ऐयरको कप्तानीमा मैदान उत्रिएको दिल्लीका लागि आज नेपाली युवा लेगस्पीनर सन्दीप लामिछाने टोलीमा परेका छैनन् । अङक तालिकाको दोस्रो स्थानमा रहेको कोलकताको सामना गर्ने क्रममा छैटो स्थानको दिल्ली भने दबाबमा हुनेछ ।

घरेलु मैदान भएकाले पनि कोलकताको मनोबल बलियो हुनेछ । दिल्ली भने खेल जितेर तालिकाको दोस्रो स्थानमा उक्लिने दाउमा हुन्छ भने कोलकता आफ्नो स्थान यथावत राख्ने कसरतमा हुनेछ ।