मुम्बईविरुद्ध १ सय ८८ रनको लक्ष्य भेटाउला त राजस्थानले ?
काठमाडौं। इन्डियन प्रिमियर लिग (आइपीएल) को जारी २७ औं खेलमा मुम्बई इन्डियन्सले राजस्थान रोयल्सलसामु १ सय ८८ रनको लक्ष्य प्रस्तुत गरेको छ ।
घरेलु मैदान वाङ्खेडे रंगशालामा टस हारेर पहिले ब्याटिङ गरेको मुम्बईले निर्धारित २० ओभरमा ५ विकेटको क्षतिमा १ सय ८७ रन बनाएको हो । उसका लागि सर्वाधिक क्वीन्टन डि ककले ८१ रन बनाए । ५२ बलको समाना गरेका उनले ४ छक्का र ६ चौका प्रहार गरेका थिए । कप्तान रोहित शर्माले ३२ बलमा ६ चौका र १ छक्काको मद्दतले ४७ रन बनाए भने ३ छक्का र १ चौकाको सहयोगमा हार्दिक पाण्डयाले ११ बलमा नटआउट २८ रन बनाए ।
सुर्यकुमार यादवले १६, किरन पोलार्डले ६ तथा इशास किसनले ५ रन बनाए । राजस्थानका जोफ्रा आर्चरले ३ तथा धवलकुलकर्नी र जय उनादकातले समान १/१ विकेट लिए ।
