काठमाडौं । इन्डियन प्रिमियर लिग ( आइपीएल) को २९औं खेलमा टस जितेर सनराइजर्स हैदरावादले दिल्ली क्यापिटल्सविरुद्ध पहिला बलिङ गर्ने भएको छ ।

 

हैदरावादको राजीव गान्धी अन्तर्राष्ट्रिय क्रिकेट मैदानमा जारी खेलमा टस जितेर हैदरावादले पहिला बलिङ गर्ने निर्यण गरेको हो । प्रतियोगितामा सबैभन्दा धेरै रन बनाएका डेविड वार्नरको कप्तानीमा रहेको हैदरवादविरुद्ध मैदान उत्रिदा दिल्लीको टोलीमा नेपाली युवा लेगस्पीनर सन्दीप लामिछाने भने हुनेछैनन् ।

 

प्रतियोगिताको ७ खेलमध्ये ४ खेल जितेको तथा ३ खेलमा हार बेहोरेको दिल्ली अङ्कतालिकाको चौथो स्थानमा छ भने ६ खेलमध्ये समान ३/३ खेलमा हार र जीत हासिल गरेको हैदरावाद छैटो स्थानमा रहेको छ । आजको खेल जित्ने टोली तालिकाको दोस्रो स्थानमा उक्लिने छ ।