काठमाडौं। २०१९ को क्रिकेट विश्वकपका लागि इंगल्याण्डले टोलीको घोषणा गरेको छ ।

 

वेल्ससँग संयुक्त आयोजकसमेत रहेको इंग्लिश टोलीको कप्तानी वर्तमान कप्तान अइन मोर्गनले नै गर्ने भएका छन् । टोलीमा विकेटकिपर जोनी बेर्स्टो छन् भने मुख्यत: ब्याट्सम्यानको भुमिकामा रहने अन्य खेलाडीहरु जोश बटलर, जो रुट, ज्यासन रोय, एलेक्स हेल्स रहेका छन् । बलिङतर्फ टम करन, जो डेन्ली, लियाम प्लङकेट, आदिल रसिद तथा मार्क वुड रहेका छन् । मोइन अली, बेन स्टोक्स, क्रिस वोक्स तथा डेविड विल्ले भने अलराउन्डरको भुमिकामा मैदान उत्रिनेछन् ।

 

हाल आईसीसी एकदिवसीय वरियताको शीर्ष स्थानमा रहेको इंगल्याण्ड विश्वकपको दाबेदार टोली रहेको छ । ट्वेन्टी ट्वेन्टी विश्वकप जितेको भएपनि इंगल्याण्डले एकदिवसीय विश्वकप जित्न सकेको छैन् ।