नेपालगञ्ज। आठौं राष्ट्रिय खेलकुद प्रतियोगिताको उद्घाटन गर्न राष्ट्रपति विद्यादेवी भण्डारी आज अपराह्न नेपालगञ्ज आइपुगेकी छन्।

 

उनी श्री एयरलाइन्सको विमानबाट केही बेरअघि नेपालगञ्ज आइपुगेकी राष्ट्रपतिका प्रमुख सल्लाहकार भेषराज अधिकारीले जानकारी दिए। आज साँझ ६ बजे नेपालगञ्ज रङ्गशालामा राष्ट्रपति भण्डारीले  प्रतियोगिताको उद्घाटन गर्दैछिन्। राष्ट्रपति नेपालगञ्जमा रहँदा प्रदेश नं ५ का उपलब्ध सङ्घीय सांसद, प्रदेशसभा सदस्य, बाँके र बर्दियाका जिल्ला समन्वय समितिका प्रमुख र  उपप्रमुख  तथा स्थानीय तहका जनप्रतिनिधिसँग भेटघाट गर्ने कार्यक्रम पनि रहेको बताइएको छ।  

 

प्रतियोगिताको उद्घाटनपछि राष्ट्रपति आज नेपालगञ्जमै बस्ने जनाइएको छ ।

आठौं राष्ट्रिय खेलकुद