काठमाडौं । सामाजिक सञ्जालमा भाइरल उजेलीको पहिलो म्यूजिक भिडियो रिलिज भएको छ । २८ वर्षपछि उनलाई भिडियोमा देखिएको हो । 

युनिसेफले बालविवाहको विरुद्धमा बनाएको चेतनामुलक टेलिसिरियलमा बालकलाकारको रुपमा देखिएकी थिइन् उजेली । सन् १९९२ मा बनेको उक्त टेलिचलचित्रलाई दीपेन्द्र गौचनले निर्देशक गरेका थिए । विभिन्न अवार्ड प्राप्त उक्त टेलिचलचित्र संसारभरका २० वटा भन्दा बढी टेलिभिजन च्यानलहरुबाट प्रशारण भएको थियो । 

एकाएक फेसबुकमा उक्त टेलिसिरियलको भिडियो भाइरल भयो । उजेलीको खोजी त्यहीँबाट सुरु भयो । त्यसपछि अन्तर्वार्ताहरुमा छाएकी उजेलीको अहिले नयाँ म्युजिक भिडियो आएको छ । उक्त म्युजिक भिडियो उनकै कथामा आधारित रहेको बताइन्छ । 

भिडियोमा शब्द संगीत दीपक शर्माको छ भने बिन्दु परियारले आवाज दिएकी छिन् । भिडियोलाई राज खड्काले निर्देशन गरेका हुन् । गीतमा सानै उमेरमा विवाह गरेकी उजेलीको भोगाई दर्शाइएको छ ।  
">

उजेली दीपेन्द्र गौचन