काठमाडौं । संघीय संसदको बजेट अधिवेशन बैशाख १६ गतेबाट प्रारम्भ हुने भएको छ ।

 

सरकारको सिफारिस गरेको केही दिनपछि आइतबार राष्ट्रपति विद्यादेवी भण्डारीले वैशाख १६  गते वर्षे अधिवेशन आह्वान गरेकी हुन् । यस अधिवेशनमा सरकारको नीति तथा कार्यक्रम एवम बजेट प्रस्तुत र तत्पश्चात छलफल गरी पारित गरिनेछ ।

 

बैशाख २० गते राष्ट्रपति भण्डारीले सरकारको नीति तथा कार्यक्रम प्रस्तुत गर्नेछिन् भने संविधानमा रहेको व्यवस्था अनुसार जेठ १५ गते बजेट प्रस्तुत हुनेछ ।