काठमाडौं। इन्डियन प्रिमियर लिग (आइपीएल) को ४१ औं खेलमा चेन्नई सुपर किंग्स र सनराइजर्स हैदरावाद भिड्दैछन् ।

 

स्थित एमए चिदम्बरम रंगशालामा सुरु भएको खेलमा घरेलु टोली चेन्नईले टस जितेर बलिङ गर्ने निर्ण गरेको छ । दुबै टोलीका लागि महत्वपूर्ण आजको खेलमा हैदरावादका लागि केन विलियम्सनको स्थानमा शकिब अल हसन खेल्दैछन् भने चेन्नईका लागि शार्दुल ठाकुरको स्थानमा हरभजन सिंह खेल्दैछन् ।

 

आजको खेलमा जित निकाल्दै घरेलु टोली चेन्नई प्लेअफमा आफ्नो स्थान पक्का बनाउने रणनीतिमा हुनेछ भने हैदरावाद अङ्क तालिकामा तेस्रो स्थानमा बढुवा हुने दाउमा हुनेछ ।

 

यसअघि कप्तान महेन्द्र सिंह धोनीबिनाको चेन्नईले हैदरावादसामु निरीह बनेको थियो । हैदरावादमा भएको उक्त खेलमा घरेलु टोलीले जित निकालेको थियो ।  चेन्नई आज जितको बदला लिने दाउमा हुनेछ । यस संस्करणको पहिलो भिडन्तमा हैदरावादले जित निकालेपनि गत संस्करणमा ४ पटक भिडन्त हुँदा पनि हरेक खेल चेन्नईले जितेको थियो ।