काठमाडौं। सत्तारुढ नेपाल कम्युनिष्ट पार्टी (नेकपा) निकट विद्यार्थी तथा युवा संगठनहरुले एनसेललाई कर तिर्न २४ घण्टे अल्टिमेटम दिएका छन् ।

 

बुधबार संयुक्त प्रेस विज्ञप्ति जारी गर्दै युवा संघ नेपाल, वाइसीएल, अनेरास्ववियु र अनेरास्ववियू (क्रान्तिकारी) ले एनसेललाई कर तिर्न ध्यानाकर्षण गराएको छ । सर्वोच्च अदालतले फैसला गरिसकेको अवस्थामा समेत कर नतिर्नु आपत्तिजनक रहेको विज्ञप्तिमा उल्लेख छ । एनसेललाई कुनै खालको सहुलियत दिएर राष्ट्रघातीका काम नगर्न सरकारी निकायहरुलाई संगठनहरुले चेतावनी दिएको छ ।

 

एनसेलको फोग नगर्न आग्रह गर्दै चार वटै संगठनले २४ घण्टाभित्र कर नतिरे एनसेलविरुद्ध दबाबमुलक कार्यक्रम सार्वजनिक गर्ने जनाएका छन् ।