काठमाडौं । एएफसी यू–१९ महिला च्याम्पियनसिप छनोटको दोस्रो चरणको पहिलो खेलमा आज नेपाल र अष्ट्रेलिया भिड्दै छन् । म्यानमारको मण्डलेस्थित मण्डलर थिरी स्टेडियममा हुने यी दुई टिमबीचको खेल नेपाली समय अनुसार सवा तीन बजेदेखि सुरु हुनेछ । 

 

प्रतियोगिता कै सर्वाधिक बलियो टोली अष्ट्रेलियाविरुद्ध नेपालको लक्ष्य बराबरीमा रोक्नु नै हुनेछ । चीनमा एक साता अभ्यास गरेको नेपाली टोली उच्च मनोबलका साथ मैदान उत्रने छ । चीनको सिचुवानमा अभ्यास गरेको नेपालले चीनको यू–१५ महिला टोली र छन्दु प्रान्तको यू–१८ टोलीसंग अभ्यास खेल समेत खेलेको थियो ।

 

अष्ट्रेलिया नेपाललाई पराजित गर्दै प्रतियोगितामा सुखद् सुरुवात गर्न चाहन्छ । यस समूहमा अष्ट्रेलियालाई उपाधि दाबेदार मानिएको छ । छनोटमा अष्ट्रेलियापछि नेपालले अप्रिल २८ मा उज्वेकिस्तान र ३० अप्रिलमा म्यानमारसँग खेल्नेछ । छनोटको शीर्ष टोलीले एएफसी यू–१९ च्याम्पियनसिपमा स्थान बनाउने छन् ।

नेपाल भर्सेस अष्ट्रेलिया