काठमाडौं। सन २०२० मा जापानको टोकयोमा हुने ओलम्पिक गेम्सको महिला फुटबल छनोटको दोस्रो चरणको खेलमा नेपाल र म्यानमारबीच प्रतिस्पर्धा जारी छ ।

नेपालभन्दा निकै बलियो मानिएको म्यानमारले घरेलु मैदानमा नेपालविरुद्ध पहिलो गोल गरेको छ । मन्दालार थिरी रंगशालामा जारी खेलको २३ औं मिनेटमा म्यानमारले नेपालविरुद्ध पहिलो गोल गरेको हो । छनोटको पहिलो चरणको खेलमा नेपालले म्यानमारलाई १–१ को बराबरीमा रोकेको थियो । फिफा वरियतामा नेपाल १०३ स्थानमा रहेको छ भने म्यानमार ४४ स्थानमा छ ।