काठमाडौं। नेपाल बार एसोसिएशनको अध्यक्षमा प्रगतिशील समूहका चण्डेश्वर श्रेष्ठ निर्वाचित भएका छन् ।

कानून व्यवसायीहरुको छाता संगठनको रुपमा रहेको बारको नयाँ नेतृत्वका लागि भएको निर्वाचनको अन्तिम मतगणना सम्पन्न भइ श्रेष्ठले लोकतान्त्रिक समूहका उम्मेदवार सुनीलकुमार पोखरेललाई करिब सय मतले पराजित गर्दै अध्यक्ष पदमा निर्वाचित भएका हुन् । आधिकारिक घोषणा भने हुन बाँकी छ ।

 

अध्यक्षसहित अधिकांश पदमा प्रगतिशील समूहले जीत हात पार्दा महासचिव भने लोकतान्त्रिक समूहका उम्मेदवार लीलामणि पौडेलले जितेका हुन् ।प्रगतिशील समूहका उम्मेदवार सुरेन्द्र थापा मगरलाई पराजित गर्दै पौडेल महासचिव बनेका हुन् ।