काठमाडौं। इन्डियन प्रिमियर लिग (आइपीएल) अन्तर्गत १६औं खेलमा दिल्ली क्यापिटल्स तथा सनराईजर्स हैदरावाद भिड्दैछन् । दिल्लीस्थित फिरोज शाह कोटल क्रिकेट मैदानमा जारी खेलमा हैदरावादले टस जितेर पहिला बलिङ गर्ने निर्णय गरेको छ ।

घरेलु टोली दिल्लीका लागि नेपाली युवा लेग स्पीनर सन्दीप लामिछाने पनि खेल्दैछन् । हैदरावाद अङ्क तालिकाको तेस्रो स्थानमा रहेको छ भने दिल्ली पाँचौ स्थानमा छ । आजको खेल जित्ने टोली तालिकाको शीर्ष स्थानमा उक्लिनेछ । दुई टोलीबीच भएका पछिल्ला ५ खेलमध्ये दिल्लीले २ तथा हैदरावादले ३ खेल जितेको हो ।