काठमाडौं। इन्डियन प्रिमियर लिग (आइपीएल) अन्तर्गत १६औं खेलमा आज दिल्ली क्यापिटल्स तथा सनरार्इजर्स हैदरावाद भिड्दैछ ।

दिल्लीस्थित फिरोज शाह कोटल क्रिकेट मैदानमा बेलुका सवा ८ बजे हुने खेलमा अङ्क तालिकाको तेस्रो नम्बरमा रहेको हैदरावाद पाँचौ नम्बरको दिल्लीविरुद्ध मैदानमा उत्रनेछ । ३ मध्ये २ खेलमा जीत तथा १ खेलमा हार बेहोरेको हैदरावाद २ जीत तथा २ हारको नतीजा निकालेको दिल्लीविरुद्ध खेल आफ्नो पक्षमा पार्ने दाउमा हुनेछ । उता दिल्ली भने घरेलु मैदानमा जित निकाल्दै तालिकाको शीर्ष स्थानमा पुग्ने रणनीतिका साथ मैदान प्रवेश गर्नेछ ।

पछिल्ला २ खेलमा सम्हालिएर प्रदर्शन गरेका नेपाली युवा लेग स्पीनर सन्दीप लामिछानेलाई दिल्लीले आज पनि खेलाउने संभावना उच्च छ ।