काठमाडौं। इन्डियन प्रिमियर लिग (आइपीएल) अन्तर्गत १७औं खेलमा आज कोलकता नाइट राइडर्सले रोयल च्यालेन्जर्स बैंगलोरको सामना गर्दैछ ।

 

बंगलोरस्थित एम चिन्नास्वामी रंगशालामा बेलुका सवा ८ बजे हुने खेलमा अङ्क तालिकाको चौथो स्थामा रहेको कोलकता तालिकाको पुछारमा रहेको बैंगलोरविरुद्ध मैदानमा उत्रनेछ  । कोलकताले ३ खेलमध्ये २ खेलमा जीत तथा १ खेलमा हार बेहोरेको छ भने बैंगलोरले खेलेको ४ वटै खेलमा पराजित भएको हो ।घरेलु मैदानमा बैंगलोरले प्रतियोगिताको पहिलो जीतको खोजीमा हुनेछ भने आजको खेल जितेर तालिकाको शीर्षमा पुग्ने कोलकताको दाउ हुनेछ ।

 

कोलकताविरुद्ध खेलेको पछिल्ला ५ खेलमध्ये बैंगलोर ४ खेलमा पराजित भएको छ भने १ खेलमा भने जीत निकाल्न सफल भएको छ ।