काठमाडौं। इन्डियन प्रिमियर लिग (आइपीएल)मा जारी आजको खेलमा सन्दीप लामिछानेले एक विकेट लिएका छन् ।

बैंगलुरुको एम चिन्नास्वामी रंगशालामा दिल्ली क्यापिटल्स तथा रोयल च्यालेञ्जर्स बैंगलोरबीच खेल जारी छ । आफ्नो तेस्रो ओभरको तेस्रो बलमा दिल्लीको प्रतिनिधित्व गर्ने नेपाली युवा लेगस्पीनर सन्दीप लामिछानेले बैंगलोरका मोएन अलीलाई स्टम्प आउट गराएका छन् । यससँगै लामिछानेले ट्वेन्टी ट्वेन्टी क्रिकेटमा ५०औं विकेट पुरा गरेका छन् । करियरको ४०औं खेलमा उनले ५०औं विकेट लिएका हुन् ।

आजको खेलमा सन्दीपले आफ्नो ४ ओभरमा ४६ रन खर्चेर १ विकेट मात्र लिएको हो । आजको खेलमा जीत निकाल्न सके दिल्ली अङक तालिकाको दोस्रो स्थानमा उक्लिनेछ भने लगातार पाँच खेलमा हार बेहोरेको बंगलोर प्रतियोगिताको पहिलो जीत हासिल गर्नेछ । दिल्ली तालिकाको छैटो स्थानमा छ भने बैंगलोर पुछारमा रहेको छ ।