एजेन्सी । बलिउडकी लोकप्रिय अभिनेत्री ऐश्वर्या रायले फिल्म निर्देशनमा हात हाल्ने भएकी छन्। पछिल्लो पटक उनी फिल्म फन्ने खानमा अनिल कपुर र राजकुमार रावसँग देखिएकी थिइन्।

 

अभिनयको साथसाथै अब उनी फिल्म निर्देशनमा पनि हात हाल्न चाहन्छिन्। उनले हालै भारतीय एक सञ्चार माध्यमलाई दिएको अन्तर्वार्तामा आफूलाई सहयोगीहरूले निर्देशक बन्न उक्साइरहेको बताएकी छन्।

 

उनले भनिन्, ‘म फिल्म निर्देशन गर्न चाहन्छु। तर अहिलेसम्म मैले यसका लागि समय दिएको छैन। अब मलाई यसबारेका गम्भीर भएर सोच्न बाध्य बनाएको छ। निर्देशनमा लाग्न मेरा सहयोगीले हमेशा उक्साइरहे। आफैँ किन फिल्म नबनाएको भनेर सोधिरहे।’

 

फिल्म प्रोडेक्सनको विषयमा धेरै कुरा भइरहेको पनि उनले बताइन्। निर्माण र निर्देशनको विषयमा धेरैबाट पाएको प्रतिक्रियाले आफूलाई उत्साहित बनाएको उनको भनाइ छ।

 

सञ्जयलीला भन्सालीको निर्देशनमा बनिरहेको साहिर लुधियानवीको बायोपिकमा ऐश्वर्या पति अभिषेक बच्चनसँग देखिने खबर पनि सार्वजनिक भएको थियो तर पछिल्लो समयमा आएर भन्सालीले यो भूमिकामा तापसी पन्नुको नाम फाइनल गरे। यो फिल्मको पूरै कास्टिङ भने अहिलेसम्म बाहिर आएको छैन।

फिल्म निर्देशन एश्वर्या राय वच्चन