अब प्रधानमन्त्री–मुख्यमन्त्रीको भिडियो कन्फरेन्स
मन्त्रिपरिषद् बैठक पेपरलेस बनाएको प्रधानमन्त्री तथा मन्त्रिपरिषद् कार्यालयले भिडियो कन्फरेन्स प्रविधि ल्याएको छ ।
प्रधानमन्त्री केपी शर्मा ओलीले अब ७ वटै प्रदेशका मुख्यमन्त्रीसंग भिडियोमार्फत बैठक गर्नु हुनेछ । विकास आयोजनाको अनुगमन र समस्या समाधानको तत्काल समाधान खोज्न एक्सन रुम सञ्चालनमा ल्याइएको हो ।
प्रधानमन्त्री ओली र सबै प्रदेशका मुख्यमन्त्रीसंग प्रत्यक्ष भिडियो कन्फरेन्स गरेर यसको विधिवत शुभारम्भ गरिएको छ । अब सानो बैठकका लागि मुख्यमन्त्री काठमाडौं आउनुपर्ने बाध्यता हटेको छ ।
सुशासन र विकासमा यो प्रविधि फलदायी हुने विश्वास प्रधानमन्त्री कार्यालयले लिएको छ ।
