काठमाडौं : वीरगंज महानगरपालिका-२८ बगही स्थित श्री महानन्दप्रसाद उपाध्याय माध्यमिक विद्यालयमा आधुनिक सुविधा युक्त कम्प्युटर प्रयोगशाला (ल्याब) बनाउन सहयोगी नेपाल र एडुटेक नेपालबीच सम्झौता भएको छ।

सहयोगी नेपाल र एडुटेक नेपालबीच बगही स्कुलमा कम्प्युटर ल्याब बनाउन काठमाडौंमा एक कार्यक्रमबीच मेमोरेनडम अफ अन्डरसेटेन्डिङ (एमओयू)मा हस्ताक्षर भएको हो । 

एमओयू अनुसार विद्यालयले विद्यालयले अत्याधुनिक सुविधा युक्त २० थान ब्राण्डेड कम्पनीको कम्प्युटर, एक थान युपीएस र ब्याट्रीलगयात सामग्री प्राप्त गर्ने सहयोगी नेपालका अध्यक्ष तबरेज अहमदले जानकारी दिए । उनले अबको केहि महिनाभित्रै विद्यालयले ल्याबका लागि फर्निचर निर्माण कार्य सम्पन्न गरेपछि कम्प्युटर हस्तान्तरण गरिने बताए ।

एमओयूमा सहयोगी नेपालबाट अध्यक्ष तबरेज अहमद र एडुटेक नेपालबाट अध्यक्ष डायना प्रदान सिलवाल संयुक्त हस्ताक्षर गरेका छन् । एमओयू हस्ताक्षर कार्यक्रममा श्री महानन्द प्रसाद उपाध्याय माध्यमिक विद्यालयका प्रधानाध्यापक अरविन्द कुमार लाल, एडुटेक नेपालका रवीन्द्र साह, प्रतीमा शर्मा, आकाश दासलगयातको उपस्थिति रहेको थियो ।

विगत केहि वर्षदेखि नेपालको विभिन्न स्थानमा विधालयलाई प्रविधिमैत्री बनाउदै पठन पाठनमा सहजता दिलाउने उद्देश्यले कम्प्युटर वितरण गर्दै आएको एडुटेक नेपालको आर्थिक सहयोगमा बगही स्कुल ल्याब निर्माण गरिने छ।

सहयोग