न्युजिल्याण्डविरुद्ध दक्षिण अफ्रिकाको सुस्त सुरुवात
विश्वकप क्रिकेट अन्तर्गत दक्षिण अफ्रिका र न्युजिल्याण्डबीच खेल भैरहेको छ । वर्षाका कारण केही ढिलो सुरु खेलमा न्युजिल्याण्डले टस जितेर फिल्डिङ रोजेपछि अहिले दक्षिण अफ्रिका ब्याटिङ गरिरहेको छ ।
आफूले खेलेका ५ खेल मध्ये एउटामा मात्र जित हासिल गरेको दक्षिण अफ्रिकाले न्युजिल्याण्डविरुद्ध पनि सुस्त सुरुवात गरेको छ । सुरुवाती ब्याट्सम्यान डि कक व्यक्तिगत ५ रनमा आउट भएपछि दक्षिण अफ्रिका दवावमा परेको हो । ८ बल सामना गरेका ककलाई बोल्टले बोल्ड गरेका थिए ।
न्युजिल्याण्ड आफूले खेलेका ४ खेल मध्ये तीनमा जित हासिल गर्दै उत्कृष्ट लयमा छ । अघिल्लो चरण प्रवेशका लागि दक्षिण अफ्रिकालाई जित्नैपर्ने दवाव छ ।
