काठमाडौं ।  टि–२० सिरिज अन्तर्गत पहिलो खेलमा मलेसियाले दिएको १२९ रनको लक्ष्य पछ्याउँने क्रममा नेपालले तेस्रो विकेट गुमाएको छ । नेपालले तेस्रो विकेटकारुपमा रोहित कुमार पौडेललाई ५ रनमा गुमाएको हो । यसअघि नेपालले ज्ञानेन्द्र मल्ललाई ७ र प्रदीप ऐरीलाई ८ रनमा गुमाइसकेको छ । 

 

यो समाचार तयार पार्दासम्म नेपालले ११.४ ओभरमा ३ विकेट गुमाएर ६९ रन बनाएको छ । कप्तान पारस खड्काले शानदार ब्याटिङ गरेका छन् । उनले २ छक्का र ५ चौकाको मद्दतमा २८ बलमा ४६ रन बनाएर खेलिरहेका छन् । 

 

यसअघि टस जितेर ब्याटिङ रोजेको मलेसियाले निर्धारित २० ओभरमा ९ विकेट गुमाएर १२८ रन बनायो । उसका लागि विरन्दीप सिंहले ५७, फित्री सामले १२, कप्तान अहमद फिजले ४५, मुहम्मद सयादतले ८ रनको योगदान दिए ।

 

बलिङमा करण केसीले ३, सन्दीप लामिछाने, बसन्त रेग्मीले २–२ र सोमपाल कामीले एक विकेट लिए  । आईसीसी टि–२० विश्वकप छनोट प्रतियोगिताको तयारीमा रहेको नेपालले मलेसियासँग खेलिरहेको हो । नेपालले केही बेरमा जवाफी ब्याटिङ गर्ने छ । 

 

नेपालको प्लेइङ–११ मा कोकोले पाए मौका?
पारस खड्का (कप्तान), ज्ञानेन्द्र मल्ल, शरद भेषावकर, विनोद भण्डारी, प्रदीप ऐरी, बसन्त रेग्मी, सोमपाल कामी, सन्दीप लामिछाने, रोहित कुमार पौडेल, करण केसी र ललित नारायण राजवंशी ।

">