काठमाडौँ । आगामी चैत्र २८ गते रिलिज मिति तोकिएको चलचित्र प्रेमगीत–३ को ‘गीत’ को भूमिकाका लागि क्रिष्टिना गुरुङ छानिएकी छिन् ।

चलचित्र निर्माण टिमले झण्डै एक महिना देशविदेशबाट फिल्मका लागि हिरोइनको खोजी गरेको थियो । अमेरीकाबाट अडिसन दिन आएकी क्रिष्टिना फिल्मको शीर्ष अभिनेत्रीमा चयन भइन् ।

निर्माण टिमले २ हजार ७ सय १४ जनाको आवदेनबाट उत्कृष्ट २५ जना छानेको थियो । उत्कृष्ट २५ मध्ये उत्कृष्ट ५ र उत्कृष्ट ५ पछि क्रिष्टिना उत्कृष्ट एकमा पर्न सफल भईन् । 

फिल्ममा शिव श्रेष्ठ, सुनील थापा, मनिष राउत, प्रदीप खड्का, अनुभव रेग्मी लगायतका कलाकारले अभिनय गर्ने पक्का भैसकेको फिल्म निर्माण युनिटले जनाएको छ । 

तस्वीरहरु : क्रिष्टिना गुरुङकाे फेसबुकबाट