काठमाडौं । कैलालीको शहीद गेटमा बिहीबार साँझ भएको बम विष्फोटमा घाइते भएका मध्ये एकको मृत्यु भएको छ । मृत्यु हुनेमा बझाङका राम सिंह छन् । उनको उपचारका क्रममा राति ११ बजे मृत्यु भएको हो । 

घटनामा पाँच घाइते भएका थिए । उनीहरुमा निलम होटल सञ्चालक केशवराज पाण्डे, कञ्चनपुर बलौरीका लक्ष्मण सेरला, ठेगाना नखुलेका मोबिन खान र जीतेन्द्र यादव रहेको प्रहरीले जनाएको छ । 

मृतक सिंह र घाइते लक्ष्मण सेरला चन्द समूहका सैन्य कार्यकर्ता रहेको प्रहरीले बताएको छ । होटलमा चिया पिउन आएका उनीहरुको साथमा रहेको बम बसेकै ठाउँमा च्यापिँदा विष्फोट भएको थियो ।