काठमाडौं । पूर्वराजा ज्ञानेन्द्र शाहले यसपटक आफ्नो जन्मोत्सव नमनाउने भएका छन् । 

 

स्रोतका अनुसार जन्मोत्सव मनाउन नपर्ने वा नमिल्ने अवस्था नरहे पनि मुलुकको अवस्था दुःखलाग्दो भएका कारण पूर्वराजा कुनै उत्सव मनाउन उत्साहि छैनन् । भोलि असार २३ गते पूर्वराजा ७३ वर्ष पूरा गर्दैछन् । पूर्वराजाले हरेक वर्ष निर्मलनिवासमा आफ्नो जन्मदिन मनाउने गर्थे । शुभचिन्तकहरुको शुभकामना ग्रहण गर्ने प्रबन्ध पनि गरिएको हुन्थ्यो । 

 

गत वर्ष उनले नेपालगञ्जमा जन्मदिन मनाएका थिए । पूर्वराजाले जन्मोत्सव नमनाउने भए पनि शिव सेना नेपाल, विश्वहिन्दु महासंघ जस्ता संस्थाहरुले भने आफ्नोतर्फबाट जन्मोत्सव मनाउने तय गरेको बुझिएको छ ।