काठमाडौं । पूर्वराजा ज्ञानेन्द्र शाहको जन्मदिनका अवसरमा पशुपतिनाथस्थित बागमती किनारमा सोमबार साँझ आरती गरिएको छ ।
 

शिव सेना नेपालले आयोजना गरेको आरतीमा सयौं मानिसहरु उपस्थित भएका थिए । शिव सेनाका अध्यक्ष अनिल बस्नेतले भने, ‘पूर्वराजाको नाममा आयोजित आरतीमा सर्वसाधारण नेपाली मात्रै नभएर विदेशी सञ्चारमाध्यमहरुको समेत उपस्थिति देखियो ।’ 
 

 

पूर्वराजा शाहको हिजो सोमबार ७३ औं जन्मदिन थियो । यसपटक पूर्वराजाले आफ्नो जन्मदिनमा औपचारिक कार्यक्रमको आयोजना गरेनन् । 
​​​​​​