बालुवा निकाल्न खनेको खाल्डोमा डुवेर दुई जनाको मृत्यु
धादिङ । बालुवा निकालेर छाडिएको खाल्डोमा डुबेर धादिङमा शनिबार दुई जनाको मृत्यु भएको छ ।
गजुरी –६ स्थिति ठूलीफाँटमा रहेको दरिंगाल खोला किनारबाट बालुवा निकालेर छाडिएको खाल्डोमा परेर मृत्यु हुनेहरुमा २१ वर्षका भिम तामाङ र २३ वर्षका सुमन स्याङतेन छन् ।
प्रहरीका अनुसार दुवै जना पौडी खेल्दै बालुवा भए नभएको परीक्षण गर्ने क्रममा डुब्न पुगेका थिए ।
मृतक दुवै जना खोलाबाट बालुवा निकालेर जीवन गुजारा चलाउँने मजदुरहरु थिए ।
अनियमित ढंगले डोजर प्रयोग गरी खोलाबाट बालुवा निकाल्दा खोला पोखरीमा परिणत बनेर जोखिम बढेको भन्दै आक्रोसित स्थानीयबासीले तीन ओटा डोजरमा आगजनी गरेका छन् ।
