एजेन्सी । भारतमा जारी पाँचौ संस्करणको साफ यू–१५ पुरुष फुटबल च्याम्पियनसिपमा नेपालले दोस्रो जित निकालेको छ । भारतको कल्याणीमा मंगलबार भएको खेलमा नेपालले बंगलादेशलाई ४–१ गोल अन्तरले पराजित गर्दै दोस्रो जित निकालेको हो ।

कल्याणी रंगशालामा नेपाललाई जित दिलाउन क्रिशन अधिकारी यादवले दुई गोल गरे । यस्तै सुगन जिमी र प्रदिप लम्सालले एक एक गोल गरे । बंगलादेशका मियाँले एक गोल फर्काए । जितसँगै नेपालले ३ खेलबाट ६ अंक जोडेको छ ।  

नेपाल तालिकाको दोस्रो स्थानमा उक्लिएको छ  । जितसँगै नेपालले शीर्ष दुईमा रहदै फाइनल पुग्ने सम्भावना बलियो बनाएको छ । प्रतियोगितामा नेपालसहित साविकको विजेता बंगलादेश, भारत, श्रीलंका र भुटान रहेका छन् ।