श्रीलंकासँगको दोस्रो खेलमा नेपालको खराब प्रदर्शन
काठमाडौंः एसीसी एसिया कपको तयारीमा रहेको नेपाली यू–१९ क्रिकेट टोलीले बडुरलिया सिसिविरुद्धको दोस्रो अभ्यास खेलमा खराब सुरुवात गरेको छ ।
टस जितेर ब्याटिङ रोजेको नेपालले सस्तैमा २ विकेट गुमाइसकेको छ । नेपालले पहिलो विकेटका रुपमा पवन सराफलाई शून्य रनमा गुमाउँदा अघिल्लो खेलमा उत्कृष्ट प्रदर्शन गरेका आशिफ शेख १४ रनमा आउट भए । यो समाचार तयार पार्दासम्म नेपालले २ ओभरमा २ विकेट गुमाएर २० रन बनाएको छ ।
पहिलो अभ्यास खेलमा एसएससी यू–२३ क्रिकेट क्लबसँग ढिला गरि सुरु हुँदा ४२ ओभरमा झारिएको खेल आज भने पूरा ५० ओभर हुँदैछ ।
पहिलो अभ्यास खेलमा अन्तिम बलमा क्याच समात्न नसक्दा एसएससी यू–२३ क्रिकेट क्लबसँग नेपाल ३ विकेटले पराजित भएको थियो । सातापछि श्रीलंकामा हुने एसिया कपको लागि नेपाल दुई अभ्यास खेल खेल्ने लक्ष्यसहित गत ७ गते श्रीलंका पुगेको छ ।
एसिया कप यहि १९ गतेदेखि २८ गतेसम्म सम्म चल्नेछ । नेपाल समूह बी मा छ । नेपाल रहेको समूहमा टेष्ट राष्ट्र श्रीलंका,बंगलादेश र युएई छन् ।
समूह ए मा भारत,पाकिस्तान,अफगानिस्तान र कुवेत छन् । समूहका शीर्ष दुई–दुई टोली अन्तिम चारमा पुग्नेछन् ।
नेपाल भर्सेस श्रीलंका एसीसी एसिया कप
