काठमाडौंः वेस्ट इन्डिजविरुद्धको दोस्रो टेस्टको पहिलो इनिङ्समा भारतीय क्रिकेट टिम ४१६ रनमा अल आउट भयो ।

जवाफमा ब्याटिङ गर्न उत्रिएको वेस्ट इन्डिजले दिनको खेल समाप्तमा हुँदासम्म ७ विकेटको नोक्सानीमा ८७ रन बनाएको छ । जसप्रीत बुमराहले घातक बलिङ गगर्दै वेस्ट इन्डिजका ६ ब्याटसम्यानलाई पवेलियन फर्काए ।

उनले ५ वा सोभन्दा बढी विकेट लिएको यो पाँचौँ अवसर हो । बुमराहले यस दौरान करियरको पहिलो ह्याट्रिक पनि लिन सफल भए । टेस्टमा यो उपलब्धि हासिल गर्ने उनी तेस्रो भारतीय बलर बनेका छन् । यसअघि भारतका लागि हरभजन सिंह र इरफान पठानले टेस्टमा ह्याट्रिक लिएका थिए ।

यसअघि हनुमा विहारीले शानदार शतक (१११ रन) बनाउँदै टोलीलाई मजबूत स्थितिमा पुर्याएका थिए । यस्तै इशान्त शर्माले ५७, कप्तान विराट कोहलीले ७६, मयंक अग्रवालले ५५ रनको योगदान दिए । 

वेस्ट इन्डिज भर्सेस भारत जसप्रीत बुमराह