गौर । रौतहटको ईशनाथ नगरपालिका–१ बन्जाराहा गाउँमा बिहीबार साँझ माछा मार्न गएका ३ बालिकाको ज्यान गएको छ ।

इलाका प्रहरी बन्जाराका अनुसार बन्जाराहाका ७ वर्षीया सरिताकुमारी साह, १० वर्षीया किन्जलकुमारी यादव र ६ वर्षीया गुञ्जनकुमारी यादवको डुबेर ज्यान गएको हो । 

गाउँभरीका बालबालिकाहरु खेतको खाडलमा जमेको पानीमा माछा मार्न गएका थिए । उनीहरुमध्ये ३ जना नफर्किएपछि साँझ ६ बजेबाट अभिभावकले खोजतलास गरेका थिए ।

खोजीको क्रममा पोखरीमा मृत फेला परेको प्रहरी नायव निरीक्षक अक्षयकुमार साहले बताए । मृतक गुञ्जन र किन्जल दिदीबहिनी हुन् । मृतक तीनै जनाको शव गाउँमा राखिएको छ । घटनाको अनुसन्धान भइरहेको प्रहरीले जनायो ।

माछा रौतहट इलाका प्रहरी बन्जारा