काठमाडौं । क्यारेबियन प्रिमियर लिग (सीपीएल) को १०औं खेलमा ट्रिनबागो नाइटराइडर्सले क्रिस गेल नेतृत्वको जैमका तल्लावाजलाई २६८ रनको विशाल लक्ष्य दिएको छ । 

टस हारेर ब्याटिङको मौका पाएको नाइट राइडर्सले निर्धारित २० ओभरमा २ विकेट गुमाएर २६७ रन बनायो । 

उसका लागि कोलिन मुनरो र लेन्डल सिमोन्सले विष्फोटक प्रदर्शन गरे । मुनरो ८ छक्का र ६ चौका प्रहार गर्दै ५० बलम ९६ रनमा नटआउट रहे । यस्तै सिमोन्सले ५ छक्का र ८ चौकाको मद्दतमा ४२ बलमा ८६ रन बनाए ।

यस्तै कप्तान किरण पोलार्डले अविजित ४५, सुनिल नारायणले २० रनको योगदान दिए । बलिङमा जमैकाका जाहिर खानले एक विकेट लिए ।

जमैकाले यसअघि खेलेका ३ खेलमै हार बेहोरेको छ । र, गेलको जमैका अंक तालिकाको पुछारमा छ । यता ट्रिनबागोले भने ३ खेलमै जीत हासिल गर्दै अंक तालिकाको दोस्रो स्थानमा छ । 

क्यारेबियन प्रिमियर लिग सीपीएल क्रिस गेल किरण पोलार्ड