६ दिन ५ रात लगातार किताब पढेर बझाङका मुकेशले राखे बिश्व कीर्तिमानी !
बझाङ असोज १२, बझाङका मुकेशराज जोशीले एक सय २४ घण्टा ३० मिनेट किताब पढेर विश्व किर्तिमानी राखेका छन्। जोशीले ६ दिन ५ रात लगाएर किताब पढी विश्व रेकर्ड राखेका हुन्।
जोशीले ६ दिन ५ रातको सो अवधिमा २२ ओटा पुस्तक पढेर सकेका थिए। गिनिज इभेण्टको आयोजनामा उनले गत असोज ५ गते बिहान साढे ११ बजेदेखि किताव पढ्न शुरु गरेका थिए।
गिनिज बुकमा नाम लेखाएको भएता पनि उनलाई प्रमाणपत्र भने दिन बाकी नै रहेको बताईएको छ।
यस भन्दा अघि यस विधामा १ सय १३ घण्टासम्म पढेर नेपालका दीपक शर्माको सन् २००८ मा गिनिज बुकमा नाम लेखाएका थिए।
