कस्तो छ आगामी तीन दिनको मौसम पूर्वानुमान?
काठमाडौंः आजदेखि मौसममा सुधार आउने मौसमविद्ले बताएका छन् । केही दिनदेखि पश्चिमी वायुको प्रभावले मौसम बदली भएर कतै पानी र कतै हिउँ परे पनि शनिबारदेखि सोमबारसम्म देशभरको मौसम सफा रहने भएको हो ।
अहिले काठमाडौंसहित देशका धेरैजसो ठाउँमा लागेको कुहिरो बिस्तारै हट्दै जाने जाने मौसम पूर्वानुमान महाशाखाले छ ।
महाशाखाकी मौसमविद् सजिना शाक्यका अनुसार कुहिरो हटे पनि देशको मध्य र पूर्वका आकाशमा भने आंशिकरुपमा बादल लाग्ने सम्भावना रहेको छ । तर बेलुकाको समयमा भने मध्य र पूर्वी पहाडी भेगका केही ठाउँमा सामान्य पानी पर्ने सम्भावना छ । काठमाडौं उपत्यकाको शुक्रबार बिहान पौने ६ बजेको तापक्रम ६ डिग्री सेल्सियस मापन गरिएको छ ।
आगामी तीन दिनको मौसम पूर्वानुमान
पुष २५ गते
दिउँसोः देशका पूर्वी र मध्य पहाडी भू–भागमा आंशिक बदली रही बाँकी स्थानहरुमा मौसम सामान्यतया सफा रहनेछ ।
रातिः देशका पूर्वी र मध्य पहाडी भू–भागमा आंशिक बदली रही बाँकी स्थानहरुमा मौसम सामान्यतया सफा रहनेछ ।
पुष २६ गते (शनिबार)
दिउँसोः देशभर मौसम सामान्यतया सफा रहनेछ ।
रातिः देशका पश्चिमी भू–भागमा आंशिक बदली रही बाँकी स्थानहरुमा मौसम सामान्यतया सफा रहनेछ ।
पुष २७ गते (आइतबार)
दिउँसोः देशभर मौसम सामान्यतया सफा रहनेछ ।
रातिः देशभर मौसम सामान्यतया सफा रहनेछ ।
