जनकपुरधामः धनुषाको मिथिला नगरपालिका–५ श्रीपुरका २४ वर्षीय दिलीपकुमार महतोको टिपरले किचेर हत्या गरिएको छ ।

आज बिहान छिमेकी साथी रोशन यादवसँग मर्निङवाक गएको बेला घर नजिकैको खोलामा ना ७ ख ६४१३ नम्बरको टिपरको ठक्करबाट महतोको हत्या गरिएको हो ।  

दिलीपकुमारले अवैध ढंगले खोला उत्खननको विरोध गर्दै आएकाले उनको योजनाबद्ध ढंगले हत्या भएको हुन सक्ने आशंका प्रहरीले गरेको थियो ।

ईलाका प्रहरी कार्यालय ढल्केबरका प्रहरी निरीक्षक रामकुमार यादवले योजनाबद्ध रुपमा किचेर टिपरले दिलीपको हत्या गरेको निष्कर्षमा प्रहरी पुगेको बताए । प्रहरीका अनुसार, टिपर चालक फरार छन् । उनको खोजी भइरहेको छ ।

जनकपुरधाम धनुषा हत्या दिलीपकुमार महतो खोला उत्खनन