काठमाडौंः अष्ट्रेलियामा जारी बिग बास लिग (बीबीएल)  अन्तर्गत सिड्नी सिक्सर्स विरुद्धको खेलमा नेपाली लेग स्पिनर सन्दीप लामिछानेआवद्ध मेलबर्न स्टार्सले ‘ब्याट फ्लिप’ हारेर ब्याटिङको मौका पाएको छ । सिड्नी र मेलबर्नबीचको खेल १ः५५ बजेदेखि सुरु हुनेछ । 

टिमको नवौं म्याचमा पनि सन्दीप प्लेइङ ११ मा अटाएका छन् । गत संस्करणको उपविजेता मेलबर्नले जारी सिजनमा पनि शानदार प्रदर्शन गरिरहेको छ ।

उसले ८ म्याच खेल्दा एक खेलमा मात्र हारको सामना गरेको छ । र, मेलबर्न १४ अंकका साथ शीर्ष स्थानमा छ । यता सिक्सर्सले ८ म्याचमा ६ मा जित र २ खेलमा हार बेहोर्दै १२ अंक जोडेर दोस्रो स्थान बनाएको छ ।   

सिक्सर्सविरुद्ध मेलबर्नको  प्लेइङ ११ः ग्लेन म्याक्सवेल (कप्तान), हिल्टन कार्टराइट, लान्स मोरिस, बेन डन्क, सेब गोच, सन्दीप लामिछाने, निक लार्किन, जोनाथन मेर्लो, हरिस रौफ, मार्कस स्टोइनिस र डानियल वर्रल । 

बीबीएल बिग बास लिग सन्दीप लामिछाने