काठमाडौंः अष्ट्रेलियामा जारी बिग बास लिग (बीबीएल)  अन्तर्गत आफ्नो एघारौं म्याचका लागि मेलबर्न स्टार्सले टोली घोषणा गरेको छ । मेलबर्नले आज ग्लेन म्याक्सवेलको नेतृत्वमा १३ सदस्यीय टोली घोषणा गरेको हो । 

मेलबर्नले शुक्रबार घोषणा गरेको टोलीमा नेपाली लेग स्पिनर सन्दीप लामिछाने पनि अटाएका छन् । मेलबर्नले भोलि हुने म्याचमा निक म्याडिन्सन र जोनाथन मेर्लोलाई मौका दिएको छ । अघिल्लो म्याच खेलका हरिस रौफ र ज्याकसन कोलम्यान टिममा अटाएका छैनन् । हरिस बंगलादेश विरुद्धको टी–२० सिरिज खेल्ने भएपछि पाकिस्तान फर्किएका छन् ।

अघिल्लो खेलमा शानदार बलिङ गरेका कोलम्यान चोटका कारण भोलि हुने म्याचमा टिममा नअटाएका हुन् । मेलबर्नले आफ्नो ११ औँ म्याचमा शनिबार पर्थ स्कोर्चर्सको सामना गर्ने छ । पर्थ–मेलबर्नबीचको खेल शनिबार बिहान १०ः२५ बजेदेखि सुरु हुनेछ ।     

११ औँ म्याचका लागि मेलबर्नको टोलीः ग्लेन म्याक्सवेल (कप्तान), हिल्टन कार्टराइट, नाथन कल्टर–नाइल, बेन डंक, सेब गोच, क्लिन्ट हिन्चलिफ, सन्दीप लामिछाने, निक लार्किन, निक म्याडिन्सन, जोनाथन मेर्लो, लान्स मोरिस, मार्कस स्टोइनिस र डानियल वर्रल ।

बीबीएल बिग बास लिग सन्दीप लामिछाने मेलबर्न स्टार्सविरुद्ध पर्थ स्कोर्चर्स