एजेन्सी। अजय देवगण स्टारर चलचित्र तानाजीले आक्रामकको व्यापार गरेको छ। 

चलचित्रले प्रदर्शनको ११ औँ दिनसम्म आइपुग्दा ८ करोडको कमाई गरेको वक्सअफिस इण्डिया डटकम नामक वेवसाइटले जनाएको छ।

११ औं दिनसम्ममा आइपुग्दा चलचित्रको कुल कमाइ १७५.४५ करोड भारू पुगेको छ। सिनेमाले तेश्रो साताको सुरुवातसम्ममा २०० करोड भारुको आँकडा सहजै पार गर्ने अनुमान गरिएको छ।

प्रदर्शनको दोश्रो शुक्रबार चलचित्रले १०.०६ करोड कमाएको थियो भने शनिबार र आइतबार उसको कमाइ क्रमशः १६.३६ र २३ करोड भारू छ।

दर्शक र समिक्षकबाट चलचित्रले मिश्रित प्रतिक्रिया पाइरहेको छ। चलचित्रमा अजय देवगन छत्रपति शीवाजीका सेनापति सुवेदार तान्हाजी मालुसरेको भूमिकामा देखिएका छन्।

चलचित्रमा अजयका अलावा काजोल, सैफ अलि खान, पंकज त्रिपाठी तथा शरद केलकर लगायतका कलाकारहरुको प्रमुख  भूमिका रहेको छ। 

 

तानाजी