काठमाडौँ । हिमालयन शेर्पा क्लबलाई हराउँदै थ्रीस्टार क्लब सहिद स्मारक ‘ए’ डिभिजन लिग फुटबलको तेस्रो स्थानमा उक्लिएको छ । बिहीबार दशरथ रंगशालामा भएको खेलमा थ्रीस्टारले हिमालयनलाई ३–१ ले पराजित गर्‍यो ।

थ्रीस्टारका लागि सुशील राई, सन्जोग राई र वासु ओलान्दीरान हज्मतले गोल गरे । पराजित टोली हिमालयन शेर्पाका सटेफेन समिरले एक गोल फर्काए ।

जितपछि थ्रीस्टार क्लब ८ खेलबाट १४ अंक जोड्दै लिग तालिकाको तेस्रो स्थानमा उक्लिएको छ । एक खेल कम खेलेको मनाङ–मर्स्याङ्दी क्लब चौथो स्थानमा झरेको छ ।