काठमाडौंः अष्ट्रेलियामा जारी बिग बास लिग (बीबीएल) अन्तर्गत सिड्नी थन्डर विरुद्धको खेलमा पनि सन्दीप लामिछाने सम्मिलित मेलबर्न स्टार्सले उत्कृष्ट सुरुवात गरेको छ । टस हारेर फिल्डिङको मौका पाएको मेलबर्नले पहिलो ओभरमै विकेट लिन सफल भएको छ । मेलबर्नले पहिलो विकेट पहिलो ओभरको तेस्रो बलमा लिएको हो ।

सिड्नीले  पहिलो विकेटका रुपमा विस्फोटक ब्याट्सम्यान एलेक्स हेल्सलाई शून्य रनमा गुमाएको हो । उनलाई मेलबर्नका कप्तान ग्लेन म्याक्सवेलले आउट गरे । यस्तै सिड्नीले दोस्रो विकेटका रुपमा २.१ ओभरमा अर्का ओपनर उश्मान ख्वाजालाई १ रनमा गुमाएको छ । उनलाई पनि कप्तान म्याक्सवेलले ‘बोल्ड आउट’ गर्न सफल भए । यो समाचार तयार पार्दासम्म सिड्नीले ३ ओभरमा महत्वपूर्ण २ विकेट गुमाएर १५ रन बनाएको छ ।  

सुरुवातका ४ खेलमा मौका पाएका सन्दीपले पाँचौ म्याच भने गुमाएका छन् ।  चोटका कारण सन्दीपले सिड्नी विरुद्धको म्याच गुमाएका हुन् । उनको स्थानमा टोलीमा पाकिस्तानी तिव्र गतिका बलर हरिश रौफलाई मौका दिइएको छ ।

जारी सिजिनमा सन्दीपआवद्ध मेलबर्नले ४ म्याच खेल्दा एकमा हार र ३ खेलमा जित हासिल गरेको छ । सन्दीपले ४ म्याच खेल्दा ३ विकेट लिएका छन् ।

उनले पहिलो खेलमा ४, दोस्रो, तेस्रोमा ३ र चौथो खेलमा २ ओभर बलिङ गर्ने मौका पाएका थिए । पहिलो खेलमा महँगा सावित भएका सन्दीप त्यसपछिका खेलमा भने लय समात्न सफल भएका थिए ।

सिड्नीविरुद्ध मेलबर्नको प्लेइङ–११ः मार्कस स्टोइनिस, पीटर ह्यान्सकम्ब, निक लार्किन, ग्लेन म्याक्सवेल (कप्तान), बेन डन्क, निक म्याडिन्सन, नाथन कल्टर–नाइल, क्लिन्ट हिन्चलिफ, हरिश रौफ, डेल स्टेन र एडम जम्पा ।

बिग बास लिग सन्दीप लामिछाने सिड्नी थन्डरविरुद्ध मेलबर्न स्टार्स