बिग बास लिगः डिभिलियर्सको टिमविरुद्ध बलिङ गर्दै सन्दीपआवद्ध मेलबर्न
काठमाडौंः अष्ट्रेलियामा जारी बिग बास लिग (बीबीएल) अन्तर्गत ब्रिसबेन हिटविरुद्ध मेलबर्न स्टार्सले टस हारेर बलिङको मौका पाएको छ । मेलबर्न–ब्रिसबेनबीचको खेल दिउँसो १ः५५ बजेदेखि सुरु हुनेछ । मेलबर्नमा आवद्ध नेपाली लेग स्पिनर सन्दीप लामिछाने आजको खेलमा पनि प्लेइङ ११ मा मौका पाएका छन् । ‘प्लेअफ’मा स्थान बनाउन ब्रिसबेनलाई आजको खेल जित्नैपर्ने दबाब छ ।
मेलबर्न यसअघि नै ‘प्लेअफ’मा पुगिसकेको छ । उसले १३ म्याच खेल्दा २० अंक जोडेको छ । जारी बीबीएलमा मेलबर्नले १३ खेलमा ३ म्याचमा मात्र हारको सामना गर्नु परेको छ । मेलबर्नले २ पटक एडिलेड स्टाइकर्स र एकपटक सिड्नी सिक्सर्सविरुद्ध मात्र हार बेहोरेको छ ।
ब्रिसबेन विरुद्धको म्याचका लागि मेलबर्नको प्लेइङ ११ः ग्लेन म्याक्सवेल (कप्तान), नाथन कल्टर नाइल, सेब कोच, पीटर ह्यान्ड्सकम्ब, दिलबर हुसेन, सन्दीप लामिछाने, निक लार्किन, निक म्याडिन्सन, मार्कस स्टोइनिस, डानियल वर्रल र एडम जम्पा ।
मेलबर्न विरुद्धको म्याचका लागि ब्रिसबेनको प्लेइङ ११ः बेन कटिङ, साम हिजलेट, क्रिस लिन (कप्तान) एबी डिभिलियर्स, म्याट रेन्शा, मार्नस लाबुशेन, जैक प्रेस्टविज, जेम्स प्याटिनसन, मिचेल स्वीपसन, बेन लाफ्लिन र मुजीब उर रहमान ।
