विवाह तयारीमा आलिया र रणवीर, हनिमुनको लागि डेष्टिनेशन खाेजी गरिदैँ
मुम्बइ– बालिउड नायिका आलिया भट्ट र नायक रणवीर कपुर विवाहकाे तयारी गरिरहेका छन्।पछिल्लो समय यी दुईको विवाहको चर्चाले अधिकांस मिडियामा प्रथामिकता पाएको छ। तर, यी दुबैले बिवाहको विषयमा कुनै आधिकारिक धारणा सार्वजनिक गरिसकेको छैनन् । तर, यी दुबैको विवाह यसै वर्ष हुने अनुमान गरिएको छ ।
दुबैले पहिलो पटक एकसाथ अभिनय गरेको फिल्म ‘ब्रह्मास्त्र’ हो । जसको सुटिङ चलिरहेको छ । फिल्म अभिनयको सिलसिलमा उनीहरु एकअर्कोको झन् नजिक भएका छन् ।
केही भारतिय मिडियाले फिल्म युनिटका सदस्यलाई उद्घृत गर्दै आलिया र रणवीर बिवाहको तयारीमा जुटेको समाचार समेत बनाएका छन् । समाचारमा उनीहरु हनिमुन डेष्टिनेशनको खोजीमा रहेको समेत उल्लेख गरिएको छ ।
आलिया र रणवीर अभिनित फिल्म ‘ब्रह्मास्त्र’का निर्देशक अयान मुखर्जी हुन् । फिल्ममा अमिताभ बच्चनको पनि मुख्य भुमिका रहेको छ । फिल्ममा मौनी राय, नागार्जुन, डिम्पल कपाडिया, प्रतीक बब्बर समेतको अभिनय रहने छ । फिल्मको रिलिज यसै वर्ष हुने बताइएको छ ।
