काठमाडौं । चलचित्र कृ मा अनमोल केसीका साथमा नेपाली सिने जगतमा  डेब्यु गरेकी अभिनेत्री हुन अभिनेत्री अदिती बुढाथोकी। कृ पश्चात कुनै पनि चलचित्रमा नदेखिएकि अदिती बलिउडमा चम्किन थालेकी छिन।  

भारतका चर्चित मिडियाहरुले उनको हट फोटो सुट र अभिनयलाई तारिफ गर्दै विभिन्न सामाग्रीहरु प्रकाशित गरिरहेका छन् । कतिपय मिडियाले उनलाई सनी लियोनीसँगसमेत तुलना गरेर समाचार प्रकाशित गरेका छन। 

एबिपीले ‘सन्नी लियोनी जस्तो बोल्ड हिरोइनलाई पनि मात दिदै नेपाली हिरोइन’ भन्ने शीर्षकमा समाचार नै लेखेको थियो । पन्जावबाट मोडलिङ र म्युजिक भिडियोमा आफूलाई स्थापित गरेकी अदितीको करिब ६० वटा तस्वीर टाइम्स अफ इन्डियाले पनि सार्वजनिक गरेको छ ।

उनले इन्स्ट्राग्राममा पोष्ट गरेका कतिपय तस्वीरहरु भाइरल भइरहेका छन् । टाइम्स अफ इन्डियाले आफ्नो अनलाइनको फोटो ग्यालरीमा राखेका तस्वीरहरु पनि ट्रेन्डिङमा देखाएको छ ।

झापाको दमकमा जन्मिएकी अदिती फेसन डिजाईनर पुष्पा बुढाथोकीकी छोरी हुन । केही समय अघि उनले पन्जावी म्यूजिक भिडियोमा पनि अभिनय गरेकी थिइन ।

#अदिती बुढाथोकी