काठमाडौंः अनुमति नलिएको भन्दै अष्ट्रेलियाको सिड्नीमा नेपाल भ्रमण वर्ष २०२० र्को र्‍याली निकाल्न त्यहाँको प्रहरीले रोक लगाएको भन्ने समाचारप्रति पर्यटनमन्त्री योगेश भट्टराईले आपत्ति जनाएका छन् । सामाजिक सञ्जाल फेसबुकमा स्टाटस लेख्दै पर्यटनमन्त्री भट्टराईले काल्पनिक र गलत समाचार सम्प्रेषण गरिएको भन्दै आपत्ति जनाएका हुन् । उनले लेखका छन्, ‘काल्पनिक र गलत समाचार सम्प्रेषण गरेर मुलुकको प्रतिष्ठा र मित्र राष्ट्रसँगको सम्बन्धमा किन खेल्न खोजिएको हो? नियत गम्भीर छ!’

उनले नेपाल भ्रमण बर्ष २०२० को शुभारम्भ कार्यक्रम भब्य रूपमा सम्पन्न भएको दावी गरेका छन् । एनएसडब्लु स्टेटका सभामुखसहित अष्ट्रेलियाका पक्ष र प्रतिपक्षी दल तथा नगरपालिकाका प्रतिनिधि सहितको उपस्थितिमा भएको कार्यक्रम भएको भट्टराईको भनाई छ ।

अनुमति नलिएको, र्‍याली व्यवसायिक लाभका लागि भएको र र्‍यालीमा सहभागीको संख्या ठूलो भएको र यसले पैदलयात्रीलाई अवरोध गर्ने भन्दै त्यहाँको न्यू साउथ वेल्स प्रहरीले भ्रमण वर्ष उद्घाटनको र्‍यालीलाई रोकेको भन्ने समाचार नेपाली सञ्चारमाध्यममा आएका थिए । तर, भट्टराईले भने मौन जुलुसमार्फत पर्यटन बर्षको प्रबर्द्धन गरिएको बताएका छन् ।

यो पनिः अष्ट्रेलियामा पर्यटनमन्त्री भट्टराई नेतृत्वको भ्रमण वर्षको र्‍याली गर्न रोक

योगेश भट्टराई अष्ट्रेलिया भ्रमण वर्ष २०२०