हिमपात र वर्षा जारी, यस्तो छ आगामी तीन दिनको मौसम
काठमाडौंः बिहीबार बिहान पनि देशका विभिन्न स्थानमा वर्षासँगै हिमपात जारी छ । पश्चिमी वायुका कारण बुधबार बिहानदेखि सुरु भएको वर्षा र हिमपात अझै जारी रहेको हो ।
अहिले देशभरका उच्च पहाडी तथा हिमाली भेगमा हिमपात भइरहेको छ मौसम पूर्वानुमान महाशाखाकी मौसमविद् मञ्जु बासीकाले जानकारी दिइन् । यस्तै पश्चिमका केही स्थान र पूर्वका थोरै ठाउँमा अहिले पानी परिरहेको छ ।
मंगलबारदेखि सक्रिय पश्चिमी वायुको प्रभाव त्यही दिनदेखि पश्चिमी क्षेत्रमा सुरु भएको थियो भने बुधबार बिहानदेखि देशभर मौसम बदली भई विभिन्न स्थानमा वर्षा तथा हिमपात सुरु भइरहेको हो ।
आगामी तीन दिनको मौसम पूर्वानुमान
पुस २४ गते बिहीबार
दिउँसो : देशभर सामान्य बदली रही केही स्थानमा हल्कादेखि मध्यमसम्म वर्षाको सम्भावना छ। देशका उच्च पहाडी तथा हिमाली भूभागका अधिकांश स्थानमा मध्यमदेखि भारीसम्म हिमपात हुने सम्भावना छ ।
राति : देशका मध्य तथा पूर्वी भूभागमा सामान्य बदली तथा पश्चिमका भूभागमा आंशिक बदली रही पश्चिमका एक–दुई स्थानमा साथै मध्य र पूर्वका थोरै स्थानमा हल्कादेखि मध्यमसम्म वर्षा हुने सम्भावना छ । देशका मध्य तथा पूर्वी उच्च पहाडी तथा हिमाली भूभागका थोरै स्थानमा हल्का हिमपात हुने सम्भावना छ ।
पुस २५ गते शुक्रबार
दिउँसो : देशका पूर्वी र मध्य पहाडी भूभागमा आंशिकदेखि सामान्यसम्म बदली रही बाँकी स्थानमा मौसम सामान्यतया सफा रहनेछ । मध्य र पूर्वी पहाडी भूभागका एक-दुई स्थानमा हल्का वर्षाको सम्भावना छ ।
राति : देशका पूर्वी र मध्य पहाडी भूभागमा आंशिक बदली रही बाँकी स्थानमा मौसम सामान्यतया सफा रहनेछ ।
पुस २६ गते शनिबार
दिउँसो : देशका पूर्वी र मध्य पहाडी भूभागमा आंशिक बदली रही बाँकी स्थानमा मौसम सामान्यतया सफा रहनेछ ।
राति : देशका पूर्वी र मध्य पहाडी भूभागमा आंशिक बदली रही बाँकी स्थानमा मौसम सामान्यतया सफा रहनेछ ।
हिमपात मौसम वर्षा
