काठमाडौंः भारत विरुद्धको एकदिवसीय क्रिकेट सिरिजको अन्तिम खेलमा घरेलु टोली न्यूजिल्याण्डले टस जितेर बलिङ रोजेको छ । भारत–न्यूजिल्याण्डबीचको सिरिजको अन्तिम म्याच नेपाली समयअनुसार बिहान ७ः४५ बजेदेखि सुरु भएकाे छ । आजको खेलमा भारतले एक र न्यूजिल्याण्डले २ खेलाडी परिवर्तन गरेको छ । भारतले केदार जाधवको स्थानमा मनिष पाण्डेलाई मौका दिएको छ । यता न्यूजिल्याण्डले मार्क चेपम्यान र टम ब्लन्डेललाई विश्राम दिँदै केन विलियम्सन र मिचेल सान्टनरलाई मौका दिएको छ । 

न्यूजिल्याण्डले तीन खेलको सिरिज एक खेल अगावै २–० ले जितिसकेको छ । अब उसको लक्ष्य भारतसँगको एकविदसीय सिरिज ‘क्लिन स्विप’ गर्ने हुनेछ । पाँच खेलको टी–२० सिरिज ५–० ले गुमाएको न्यूजिल्याण्डलाई वानडे श्रृंखलामा भारतलाई ‘क्लिन स्विप’ गर्ने मौका छ ।  

अन्तिम म्याचमा न्यूजिल्याण्डको प्लेइङ ११ः मार्टिन गुप्टिल, हेनरी निकोल्स, केन विलियम्सन (कप्तान), रस टेलर, टम लाथम (विकेटकीपर), जिमी नीशम, कोलिन डी ग्राण्डहोम, मिचेल सान्टनर, टीम साउथी, काइल जेमिन्सन र हमिश बेनेट ।

अन्तिम म्याचमा भारतको प्लेइङ ११ः मयंक अग्रवाल, केएल राहुल, पृथ्वी शा, विराट कोहली (कप्तान), श्रेयस अय्यर,  रवीन्द्र जडेजा, मनीष पाण्डे, शार्दुल ठाकुर, युजवेद्र चहल, नवदीप सैनी र जसप्रीत बुमराह ।

एकदिवसीय क्रिकेट सिरिज भारतविरुद्ध न्यूजिल्याण्ड