लोकप्रिय बन्दै झुप्रीको ‘सम्झी रूना रूना’ (भिडियोसहित)
काठमाडौंः ‘भ्वाइस अफ नेपाल–२’ मा सहभागी भएर चर्चाको शिखरमा रहेकी गायिका झुप्री भण्डारीको ‘सम्झी रूना रूना’ बोलको गीत लोकप्रिय बन्दै गएको छ । युट्युबमा सार्वजनिक भएको ३ दिनमा झुप्रीको यो गीतलाई ५ लाख ३० हजार बढी पटक हेरिएको छ ।
पाण्डव विष्टको लय रहेको ‘ठाडी भाका’ को शब्द संकलन गायिका भण्डारी स्वयं तथा उनलाई सहयोग गर्दै आएका कमल सघर्षले गरेका हुन् । सुदूरपश्चिमको अछाममा जन्मेकी उनी बच्चैदेखि दृष्टिविहीन हुन् । झुप्री भ्वाइस अफ नेपाल–२ को ब्याटल राउण्डबाट बाहिरिएकी थिइन्।
कमल सघर्ष र वरुण रिजालको निर्देशन रहेको गीतमा भण्डारीका आमा–बाबु र उनी आफैले अभिनय गरेकी छन् । गीतमा दृष्टिविहीनले भोगेका समस्या, मनोभावना तथा समाजले उनीहरुप्रति गर्ने व्यवहारलाई समेटिएको छ ।
झुप्री भण्डारी सम्झी रूना रूना
