चलचित्र प्रेम पूजाको पोस्टर रिलिज
काठमाडौँ। महाशिवरात्रीको अवसरमा नया चलचित्र ‘प्रेम पुजा’को पोस्टर रिलीज गरिएको छ।
अमरदीप सापकोटाको निर्देशनमा बन्ने चलचित्रमा मुख्य भूमिकामा रहेका अभिनेताको नाम भने खुलाईएको छैन।
शिवरात्री बिशेष पोस्टरमा अभिनेताको पुरा अनुहार देखाईएको छैन। निधारमा त्रिपुण्ड लगाएका तथा धार्मिक वस्त्रमा रहेका अभिनेतालाई फिल्मको औपचारिक घोषणा कार्यक्रममा मात्र चिनाउने तयारी रहेको निर्देशक सापकोटाले बताए ।
आगामी विजया दशमीमा रिलीज गरिने जनाईएको यो फिल्म प्रेमकथामा आधारित हुने बताइएको छ । फिल्मको काठमाडौं, चितवन र भारतको बनारसमा छायांकन हुनेछ । ईन्टरटेन्मेन्ट वर्ल्डवाईड प्रा.लि.ले निर्माण गर्ने फिल्ममा कथा, पटकथा तथा संवाद अभिमन्यु निरबीको रहेको छ
