काठमाडौँ। यस बर्षको बहुप्रतिक्षित चलचित्र 'प्रेमगीत ३' को दोस्रो गीत सार्वजनिक भएको छ । महाशिवरात्रीको अवसर पारेर सार्वजनिक गरिएको चलचित्रको शिर्ष गीतलाई प्रताप दास र प्रविशा अधिकारीले आवाज दिएका छन।

गीतमा राजेश कुमार श्रेष्ठको शब्द र एलिश कार्कीको संगीत रहेको छ। सार्वजनिक गीतमा चलचित्रका दुई प्रमुख पात्र प्रेम र गीतको मनोभाव र प्रेमभावलाई देखाईएको छ।

गीतमा प्रदीप खड्का र नवअभिनेत्री क्रिष्टिना गुरुङलाई फिचर गरिएको छ।  गीतमा उनीहरुको अंकुराउँदै गरेको प्रेमलाई देखाइएको छ । गीतमा बाल कलाकार अनुभव रेग्मी र सम्वृद्धि शाही ठकुरीलाई पनि देख्न सकिन्छ । चलचित्रमा अनुभव प्रदीपको बाल्यकाल (प्रेम) को भूमिकामा देखिँदैछन् । भने, सम्वृद्धि क्रिस्टिनाको बाल्यकाल (गीत) को भूमिकामा छिन् ।

आगामी चैत २८ देखि प्रदर्शन हुन लागेको प्रेमगीत ३ मा प्रदिप, क्रिष्टिना, अनुभव र समृद्धीका अलावा शिव श्रेष्ठ, सुनिल थापा, सन्तोष सेन, माओत्से गुरुङ, मनिष राउत, पुस्कर कार्की, प्रेम पुरी, लक्ष्मी वर्देवा, योगिशा खत्री, क्रिजन गौतम, जीवन भट्टराईलगायतका कलाकारको पनि अभिनय रहेको छ ।

चलचित्रको कथा डेढ सय वर्ष अगाडिको प्रेमकथामा आधारित रहेको बताईएको छ। चलचित्रलाई छेतेन गुरुङ र सन्तोष सेनले मिलेर निर्देशन गरेका हुन् ।

 

प्रेमगीत ३